- 23 Apr 2018

Dita e Tokës në Prishtinë u shënua me një varg aktivitetesh të ndryshme, që kishin një qëllim të përbashkët: shtimin dhe mirëmbajtjen e hapësirave të gjelbra. Në kuadër të kësaj, gjatë ditës së djeshme kemi mbjellë qindra fidanë, lule, dhe kemi pastruar në të gjitha pjesët e qytetit.

Për vitin 2018, si Komunë e Prishtinës jemi siguruar që t’i kemi rreth 4000 fidanë të rinj, por synimi jonë është që ta shumëfishojmë këtë numër, duke investuar në mbjelljen e 38.000 fidanëve në zona të ndryshme brenda qytetit.

Falënderojmë të gjithë ata që kontribuuan në përmirësimin e mjedisit në Prishtinë, me theks të veçantë tek banorët, punëtorët e Hortikulturës, studentët, asambleistët, organizatat joqeveritare dhe bizneset, të cilët dhuruan dhe mundësuan mbjelljen e afër 800 fidanëve të rinj vetëm gjatë ditës së djeshme.