- 17 Jul 2018

Sot u përurua impianti për trajtimin e ujërave të zeza në fshatin Mramor, impiant ky që u financua nga Republika e Çekisë në kuadër të programit për bashkëpunim dhe zhvillim, Komuna e Prishtinës, si dhe Ujësjellësi Rajonal Prishtina.

Ky projekt është i një rëndësie të veçantë, dhe ndikon në përmirësimin e mjedisit si dhe ngritjes së cilësisë së ujit. Është zbatuar nga shoqata e kompanive profesionale nga Çekia – Ircon Sh.P.K si udhëheqëse e konsorciumit, dhe TopolWater. Partneri lokal në Kosovë ishte kompania Projekti Plus L.L.C.

Kompania zbatuese, përveç ndërtimit të impiantit të ujërave të zeza, realizoi trajnime për operim dhe mirëmbajtje dhe organizuan fushatë ndërgjegjësimi për banorët, me fokus të veçantë të fëmijët.