Prishtina Online - Drejtori për Shëndetësi Bujar Gashi viziton Qendrën Kryesore të Mjekësisë Familjare

- 18 Aug 2020

Drejtori për Shëndetësi Bujar Gashi sot vizitoi Qendrën Kryesore të Mjekësisë Familjare dhe personelin shëndetësor të cilët nga fillimi i pandemisë #covid19 janë në vijën e parë të frontit duke u ballafaquar me këtë virus.

Situata epidemiologjike mbetet edhe më tutje e rënduar, prandaj edhe është momenti i duhur që të fillojmë me implementimin e praktikës për caktimin e terminëve për vizita kontrolluese në Qendra të Mjekësisë Familjare. Kjo po bëhet me qëllim të lehtësimit të qasjes së qytetarëve në shërbime shëndetësore, si dhe që mjeku të ketë kohë të mjaftueshme ta ekzaminojë në mënyrë adekuate secilin pacient. Natyrisht, rastet urgjente do të trajtohen me përparësi pa caktuar termin.
Duke kërkuar mirëkuptimin tuaj, mirëpresim çdo ankesë, kritikë dhe sugjerim gjatë kësaj kohe dhe ju falënderojmë që na ndihmoni që shërbimet cilësore të i avancojmë në vazhdimësi.
Vazhdoni të mbani maskat, pastrini duart e respektoni distancën fizike!

Lajmet

Drejtori për Shëndetësi Bujar Gashi viziton Qendrën Kryesore të Mjekësisë Familjare