- 26 Mar 2024

Në zbatim të planit për menaxhimin dhe rregullimin e hapësirave publike, Inspektorati i Kryeqytetit sot ka filluar zbatimin e aksionit për lirimin e hapësirave publike në zonën përreth kompleksit banesor në lagjen Lakrishtë. Ky veprim vjen si pjesë e përpjekjeve të vazhdueshme të Kryeqytetit për të siguruar që hapësirat publike të jenë të aksesueshme për të gjithë qytetarët dhe të liruara nga ndërhyrjet e paligjshme si terrasat e vendosura pa leje.

Inspektorati thekson rëndësinë e mbajtjes së hapësirave publike të lira dhe të disponueshme për përdorimin e qytetarëve, duke garantuar që rrugët, trotuaret dhe zonat e gjelbërta të jenë të lira nga ndërtime të paligjshme ose pengesa të tjera. Veprimi i sotëm është vetëm një hap në drejtimin e planit më të gjerë të Kryeqytetit për të rritur cilësinë e jetesës urbane dhe për të promovuar një mjedis të organizuar dhe të sigurt për të gjithë banorët.

Inspektorati i Kryeqytetit fton të gjithë qytetarët dhe bizneset që të respektojnë rregullat dhe të kontribuojnë në ruajtjen e hapësirave të përbashkëta që ndikojnë në cilësinë e jetës në komunitetin tonë. Aksionet për lirimin e hapësirave publike do të vazhdojnë në zona të tjera të qytetit për të siguruar respektimin e rregullave dhe për të përmirësuar qëndrueshmërinë dhe estetikën urbane.