- 09 Jan 2025
Në mbështetje të Rregullores për Ndarjen e Subvencioneve nga Komuna e Prishtinës, Drejtoria për Sport me dt.09.01.2025, shpallë këtë:
NJOFTIM PËR ZGJEDHJEN E LAUREATËVE TË VITIT 2024
Komuna e Prishtinës, Drejtoria për Sport, edhe këtë vit do të bëjë zgjedhjen e Laureatëve 2024, andaj ju keni mundësinë të dërgoni propozimet për:
• Sportistin/en;
• Klubin;
• Trajnerin/en;
• Gjyqtarin/en;
• Shpresat e Sportit të Komunës së Prishtinës.
• Çmimi – Post Mortum;
• Çmimi special – Për kontribut jetësor;
• Veterani i Vitit;
• Punëtori Sportiv i Vitit;
• Çmimi për Përfaqësim të Prishtinës.
Aplikimet për zgjedhjen e sportistëve më të mirë mund të bëhen individualisht, si dhe përmes klubeve dhe federatave sportive, në sportelin nr. 6 (objekti i vjetër i Komunës së Prishtinës), nga data 09 - 23 janar 2025.
Me rastin e aplikimit duhet të dëshmohen të arriturat e individit/klubit gjatë vitit 2024.
Gjatë propozimit për Laureatët duhet në mënyrë të qartë të përshkruhet aktiviteti i secilit sportistë/e dhe të specifikohen të gjitha garat ekipore dhe individuale në të cilat ka garuar sportisti dhe suksesin të cilin e ka arritur në nivel kombëtar dhe ndërkombëtar gjatë vitit 2024.
Zgjedhja e më të mirëve do të bëhet nga Komisioni i përzgjedhur nga Komuna e Prishtinës.
