- 01 Feb 2017

Drejtori i Kulturës i Komunës së Prishtinës, Besart  Vllahinja vizitoi shoqatën ndër komunale te të verbërve- Prishtinë. Qëllimi i kësaj vizite ishte  që përfaqësuesve të shoqatës t`i shpalos  iniciativën  që Drejtoria e Kulturës  ka marrë lidhur me  shkrimin  e formularëve dhe thirrjes për aplikim për subvencione në fushat e ndryshme të kulturës  në alfabetin e Brajllit.

Drejtori Vllahinja ju tha përfaqësuesve  të shoqatës që kjo iniciativë synon përmbushjen e obligimeve kushtetuese dhe zbatushmerinë e ligjit  për personat e verbër . Ai shtoi se  përmes dokumenteve të shkruara në alfabetin e  Brajdit personat e kësaj kategorie të shoqërisë do ta ruajnë  dhe mësojnë praktikën e leximit në Brajd. Kjo njëherazi shënon edhe fillimin e kampanjës për sensibilizimin e komunitetit dhe institucioneve.

Kryetari i shoqatës së të verbërve Ujup Reçica , falemi nderoi drejtorin Vllahinja për vizitën dhe çmoj lart iniciativën  dhe përkrahjen e përgjithshme të  Drejtorisë së Kulturës për personat e verbër të Komunës se Prishtinës.  Ai tha se përmes këtyre dokumenteve  si shoqatë do të jemi të barabartë me pjesën tjetër të shoqërisë dhe do të mund të aplikojmë për realizmin dhe implementimin e projekteve të ndryshme për të cilat ka hapur thirrje publike Drejtoria e Kulturës.

Drejtori Vllahinja tha se kjo  është faza e informimit dhe shumë shpejt Drejtoria e Kulturës do t`i ketë të gjithë dokumentet e shkruara  në alfabetin e Brajllit.

Në mënyre simbolike drejtori Vllahinja u dorëzoi  pesë kopje  të formularit për aplikim dhe nga një kopje aplikime për: arte vizuale, botim, festivale, film, manifestime dhe organizime, muzikë, teatër, sport dhe për projekte rinore.