- 16 Mar 2018

Drejtori për Planifikim Strategjik dhe Zhvillim të Qëndrueshëm, z. Genc Bashota, së bashku me Udhëheqësin e Qendrës për Këshillim në Karrierë, z. Ridvan Islami, nënshkruan marrëveshje bashkëpunimi me kompaninë “Meridian Group” (“Meridian Express”, “Meridian Corporation” dhe “Buka”), përfaqësuar nga Drejtori i Burimeve Njerëzore dhe Administratës, z. Abdylkerim Ratkoceri.

Kjo marrëveshje është për pune praktike me mundësi punësimi për 100 nxënës të cilët kanë diplomuar në shkollat profesionale në Komunën e Prishtinës. Periudha kohore e marrëveshjes është prej datës 15 mars 2018 deri më 31 mars 2021.

Qëllimi i kësaj marrëveshjeje është që përmes bashkëpunimit me sektorin privat të krijohet mundësia për nxënësit e shkollave të mesme profesionale për aplikimin e njohurive të tyre teorike në një ambient pune dhe njëkohësisht t’iu ofrohet mundësia e fitimit të përvojës, e testimit dhe rekrutimit të fuqisë së re punëtore në sektorin privat.