- 09 May 2020

Kryetari Shpend Ahmeti në mbledhjen e jashtëzakonshme të Kuvendit Komunal të mbajtur dje, i informoi asambleistët për menaxhimin e situatës së pandemisë SARS-covid 19.

Në Prishtinë tashmë ka filluar zbatimi i pakos ekonomike Prishtina 1 e cila u votua në mbledhjen e kaluar të Kuvendit Komunal.

Dje, me ndihmën e FSK-së, asambleistëve dhe grupit të vullnetarëve, ka filluar edhe shpërndarja e pakove ushqimore për të gjitha familjet me situatë të rënduar sociale e ekonomike, numri i të cilëve është në rritje si pasojë e pandemisë. Poashtu, janë aprovuar edhe ndihmat financiare për kompanitë komunale dhe çerdhet e Prishtinës.

Me fazën e parë të lehtësimit të masave tash edhe fokusi duhet të kalojë nga shëndetësia në ekonomi, në mënyrë që të ndihmojmë adresimin e pasojave të pandemisë në këtë fushë, ku përsëri do të na duhet ndihma e të gjithëve.

Kryetari Ahmeti falenderoi të gjithë asambleistët, vullnetarët e të gjithë të tjerët pa dallim për solidaritetin e treguar kësaj dhe mbështetjen e pakursyer gjatë këtyre ditëve të vështira që i kaluam.

#rriNshpi