- 14 Mar 2022

Organizata "Zëri i Romëve, Ashkalinjve dhe Egjiptianëve’’ dhe @Rrjeti ERGO po lansojnë thirrjen e vitit 2022 për fushatën rajonale “Kryetari komunal më miqësor me Romët, Ashkalinjtë dhe Egjiptianët” në kuadër të projektit “Romani Women Power of Change in the Western Balkans and Turkey”.

Fushata synon të rrisë ndërgjegjësimin dhe ndryshimin e qëndrimeve kundrejt përfshirjes së romëve, ashkalinjve dhe egjiptianëve si dhe të kontribuojë në tejkalimin e barrierave të shumta për gjithëpërfshirjen e tyre.

Pjesë kyçe e kësaj fushatë është konkursi “Kryetari Komunal më Miqësor me Romët, Ashkalinjët dhe Egjiptianët” i cili po zhvillohet paralelisht në të gjithë rajonin e Ballkanit Perëndimor dhe në Turqi.

Komuna fituese do të përfaqësohet nga kryetari i saj në një cermoni të ndarjes së çmimeve që do të mbahet në kuadër të Javës së Romëve nga data 16 deri më 19 maj 2022, në Bruksel, në të cilën do të marrin pjesë të gjithë kryetarët e komunave nga vendet e Ballkanit Perëndimor dhe Turqia dhe përfaqësues të lartë të Drejtorisë së Përgjithshme për Fqinjësinë dhe Negociatat për Zgjerim të Komisionit Evropian, (DG NEAR).

Për më shumë informacione rreth çmimit dhe mënyrës së aplikimit, ju lutem gjeni të bashkëngjitur dokumentin me informacione, si dhe formularin që duhet të plotësohet dhe të dorëzohet bashkë më dokumentët mbështetës që kërkohen në aplikim.

Fushata rajonale “Kryetari komunal më miqësor me Romëve, Ashkalinjtë dhe Egjiptianët”

Formulari i aplikimit