Me një marsh vetëdijësues është shënuar Dita Botërore e Autizmit në Prishtinë i organizuar nga Shoqata "Autizmi" dhe Drejtoria e Mirëqenies Sociale.

 

Në marshin vetëdijësues morën pjesë Kryetari i Kryeqytetit, Përparim Rama, nënkryetarja Jehona Lushaku, drejtorja e Mirëqenies Sociale, Adelinë Sahitit dhe drejtori i shëndetësisë, Izet Sadiku.

 

Kryetari Rama ka shprehur thellë respektin dhe mirënjohjen për komunitetin autik.

 

"Në këtë Ditë Ndërkombëtare të Autizmit, po bashkohemi si një qytet që pulson me energjinë e gjithëpërfshirjes. Sot, e gjithë Prishtina është një gjendje e vetme shpirtërore, që përqafon spektrin e bukur të përvojës njerëzore, e që lulëzon nga neuro-diversiteti i saj!"- ka deklaruar Rama.

 

Marshimi ka pasqyruar solidaritetin dhe mbështetjen e qytetarëve për komunitetin autik, duke e vlerësuar bukurinë dhe kontributin e tyre në shoqëri.