- 04 Jun 2015

Dita Ndërkombëtare e Fëmijëve është shënuar me një aktivitet interesant në shkollën “Meto Bajraktari”. Në kuadër të politikave të Drejtorisë Komunale të Arsimit për stimulimin e fëmijëve që të merren me art, nxënësit e klasës II/3, nën udhëheqjen e mësueses Venera Nushi, kanë realizuar projektin artistik “Me gjurmët tona sot – për më shumë art nesër”.

Në realizimin e këtij projekti që kishte për qëllim që të ndihmojë kabinetin e artit figurativ të kësaj shkolle, ishin të përfshirë 37 fëmijë të moshës 7 dhe 8 vjeç, të cilët me shenjat e duarve dhe këmbëve krijuan punime të ndryshme dhe atraktive.

Ekspozita me punime të këtyre nxënësve ngjalli interesim të madh tek prindërit dhe dashamirët e artit, ndërsa aktivitete të tilla do të realizohen edhe në të ardhmen.