- 30 Oct 2015

Sot, Kryetari i Komunës së Prishtinës, Shpend Ahmeti vizitoi disa nga rrugët e Prishtinës, në trotuaret e të cilave po vihen shtyllat anti-parking. ​Kështu, ai vizitoi rrugën "Dëshmorët e Kombit", rrugën "Eqrem Çabej" tek Qendra Tregtare në Breg të Diellit, si dhe rrugën "Nazim Gafurri", si disa nga rrugët ku trotuaret kanë qenë komplet të zaptuara nga makinat .
Janë 4000 shtylla anti-parking që do të vendosen gjithsejt në 17 rrugë të kryeqytetit, për ta bërë më të lehtë qarkullimin e këmbësorëve dhe njëkohësisht do ta rrisin sigurinë e tyre.

Vlera e përgjithshme e këtij projekti është 59600 euro.