Zgjedhet fituesi për dizajnimin e Tregut të Luleve

- 06 Jun 2016

Fitues i konkursit për dizajnimin e Tregut të Luleve është "Alfa Product".
Tregu i luleve është planifikuar në Sheshin “Skënderbeu”, konkretisht në platonë përballë ndërtesës së Qeverisë prapa shtatores së Skënderbeut, në Prishtinë, dhe ku kopshtarët do të mund të shesin dhe promovojnë lloje të ndryshme të luleve. Numri i shtandeve për “Tregun e luleve” është deri në 6 (gjashtë), vendosja e të cilave është përshtatur me sipërfaqen e lokacionit të planifikuar për këtë destinim.
Tregu do të punojë dhe do të jetë funksional gjatë gjithë vitit, 12 muaj radhazi dhe të njëjtat janë të përshtatshme për të gjitha stinët. Qasja në këto shtande është e përshtatshme për personat me nevoja të veçanta. Sa i përket anës funksionale të shtandeve/mbajtëseve, është marr parasysh që të funksionojë si e hapur dhe si e mbyllur.